قصائد الشاعره الساخره ايمان البكرى تحفه ( متجدد ان شاء الله)

[[center]color=green]
يابنت بلدي

يابنت بلدي عيب ..لما اللجام هيسيب .. يسترخصوكي الناس
في بنطلون مزنوق .. وبلوزه شبر لفوق .. ولا حتى فـ الجمباز
عريتي تحت وفوق.. ولا عدش عندك زوق .. ولاحتى فيه احساس
لحم الخروف مدبوح ..بنجيبه بعد الروح .. ما تحصّــل الأنفاس
ولحمتك بالكوم .. دكان وطول اليوم ..مفتوح لأرخص ناس
يخرب زمنا زمان .. كأنه عُمر ما كان .. لالينا اصل ولا اساس
لتنزيل الفيديو ...............[/color][http://www.4shared.com/file/18383428/310a1861/ya_bent_balady.html/center]

كلنا بنحبك يا حمار

بيقولوا في مطرب مكار...بيغني بحبك يا حمار
الواد ده وصولي وكداب..ومنافق وكمان نعار
وإشمعنى لوحده اللي يحبك...كلنا بنحبك يا حمار
ده لأنك فعلا متفاهم... ومبرطع فينا ومش فاهم
وبتبعد عن أي تفاهم .. بعزيمة غبية وإصرار
العِشرة ما بينا ما بتهونشي..وإن هانت..برضو ما نقدرشي
محكمة العدل ما تحكمشي..وإن حكمت.. هتولع نار
مثلتوا علينا الثلاثية.. وبطولة وكانت جماعية
وعشان ما تكمل سداسية..عملتوا ألف حصار وحصار
وفي وسط ميدان الحرية..فيه شعلة مسكاها وليّة
متكنش دي ليزا المخفية..مدية إشارة إنذار
وعلى العموم أنا حبيتك
وإلهي يا بعيد يخرب بيتك
لو يوم هتشُك في إخلاصي..وتصدق ده من الأشرار
هو سؤال ومافيهش هزار....هو أنت يعني حمار يا حمار
علشان تصدق إن الفار.. ممكن يقول لأسد يا حمار
وبعاهدك والعهد أمانه..هتّنَّك على طول ويانا
حمورية أهلك عجبانا..يا واخدنا من الدار للنار
كل الحميره هنا عملت سين...واتفقت انك بغل عظيم
هيوزعوا شربات برسيم ...علي العربخاني وعلي الزوار
أنا مش حمّار هتخاف مني
مانا برضو حمار وأحمر منك
ما تنهق..قول أي حوار
بنقولك شيي..ما بتمشيشي....والح ااا..بنقولها ما بتجيشي
ونقولك هيييسس...ما بتهيسش..ومكمل بينا المشوار
وعلشان كده إحنا إخترناك..وعلى حياتنا إستئمناك
ولا يوم هيجي يفرقنا...وهنفضل دايما وياك

لتحميل الفيديو........ .

http://www.4shared.com/file/18381102/4f2b999d/el_7omaar.html

ما فيش حاجه

مافيش حاجه
مانيش عايزة خلاص حاجة
ولا محتاجة انا لحاجة
ولو عايزة صحيح حاجة
مخليتوليش ولا حاجة

عموماً بصوا فيه حاجة
هقولها بس محتاجة
لعقول تفهم
ولو حاجة
مهيش مفهومة او حاجة
نفسرها بكام حاجة
نوضحها بكام حاجة
وأهى حاجة مع حاجة
هتظهر وتبان لنا حاجة
وانا ما بخفش من حاجة
مانيش مسنودة ولا حاجة
لكن ما بخفش من حاجة
لكن فرضاً لو هقول حاجة
هيحصل إيه ؟؟؟ ولا حاجة
هيعملوا إية ؟؟ ولا حاجة
و بعد الشر بعد الشر
لو واحد من القاعدين
من السامعين من الضالين
فِهِم حاجة هَيعملوا إيه ؟؟؟؟
اكيد برضُه ولا حاجة
فنتوكل على الستار لوجه الله نقول حاجة
فيه ناس بتعيش علشان حاجة
وناس بتموت علشان حاجة
وناس بتموت على الحاجة
وناس تديلك الحاجة
وتبقى ليها محتاجة
وناس تديلك الحاجة
و تاخد ادامها ميت حاجة
وناس تكبر تكون حاجة
و ناس تصغر علشان حاجة
وناس منظر ومش حاجة
وتلقاه كبيرحرس ونفير عليه منظر
وهو جبان وشيخ منصر
ولا يبـنش عليه حاجة

كلامى يا خلق فيه حاجة؟
لحد دلوقتى فيه حاجه؟
كلام عادى وبسيط جداً ولا فِهشِ ولا حاجة
ما انا ما أقدرش أقول حاجة
صحيح نفسى أقول حاجة وميت حاجة
لكن مش قادرة اقول حاجة
لأنى لو هقول حاجة
هييجى ناس بتوع حاجة
وياخدونى ورا الحاجة
وهو لو سمع حاجة
هيعملوهالى ميت حاجة

عموما بصو لو واحد من القاعدين
عاوزنى أبلغه بحاجة
يقول مايخفش من حاجة

نعم فيه إيه؟
لالالالالأ مافيش سرقه
ولا تهليب ولا تهريب ولا حاجة

وبتقول إيه
مصمصوا إيه؟ وخصخصوا إيه؟
ده كله كلام مفيش حاجه

قضية إيه؟
ياشيخ روح خلاص مافيش حاجه

حرامى إيه ؟ ولَكّح إيه؟وهرب إيه؟
شــفـافـيـه ومافيش حاجة

وبتقول إيه؟لالالآلأ عـــيب
لافيه تدليسولاترقيص
ولا تدبيس ولا حاجه

سمع مع هووووس
انا حاسسة انه فيه حاجة

دقيقة سكات لَتبقى حداد
انا حاسسه انه فيه حاجة

زمنكوا ياخلق فيه حاجة
ولازموا كام وميت حاجة
ده لو يعنى إذا كان فيه حاجة
انا عن نفسى مش حاسسة ولا بحاجة
ولا متضايقة ولا حاجة

سعادتك برضه مش زيـى مافيش حاجة ؟
أهـه بيقول مافيش حاجة

جنابك برضه مش زَيـىِ وعلشان زيي مافيش حاجة
أهـه بيضحك بيقول مافيش حاجة

ما أنا قولتلكو من الأول مافيش حاجة

عليا النعمه يا اخوانا مافيه حاجة
ورحمة ابويا ويا أبوك على إللّى جابوك ما فيه حاجه

وعهد الله . وعهد الله. وعهد الله
ما خللولنا ولا حاجه

بقلك ايه خلاص خلص و فركش
يلا يا اخونا مفيش حاجه

لتنزيل الفيديو .............

http://www.4shared.com/file/18381992/90fa736c/mafeesh_7aga.html

[color=red]يلااااااااااااااااااا مستنيه ردودكم وان شاء لو عجبكم هكمل ولو لا بردو هكمل هههههههههههههههههه اصلهم عجبانى[/color]

موضوع جااااااااااااااااااااااااااااااامد

قصايده حلوووووووووووة

ثانكس ياقمر

ع الموضوع قصائد الشاعره الساخره ايمان البكرى تحفه ( متجدد ان شاء الله) 349327

قصائد الشاعره الساخره ايمان البكرى تحفه ( متجدد ان شاء الله) 349327

ميرسى حبيبتى ميمو انتى الاحلى والاجمد

براحه علينا يا ست نور
الحاجات الجامده دي

ميرسى اوى ليكى يا قمر على القصايد الجامده جدا دى

ميرسي ليكي نور
علي القصايد الجامده
قوي دددددددددددي
سيسوووووووووو

nody_pooh كتب:: براحه علينا يا ست نور
الحاجات الجامده دي

هههههههههههههههههههه ميرسى لمرورك نودى انتى الاجمد بتعليقك حبيبتى

Admin كتب:: ميرسى اوى ليكى يا قمر على القصايد الجامده جدا دى

ميرسى لردك حماده

amrceco كتب:: ميرسي ليكي نور

علي القصايد الجامده

قوي دددددددددددي

سيسوووووووووو

الاحلى انها عجبتك سيسو
ميرسى لمرورك

[size=24]

النساء و منصب الوزارة

قالوا الرجال إن النسا مالهمش في الوزارات
ونهار ابونا مِسا لو حكّموا الستات
في وزارة التموين و الاقتصاد بالذات
حتضيع فلوس البلد في اللبس و البوتيكات
بالذمة ده اسمه كلام
يبقى وزيرنا مدام
واسم البعيد فتكات
يختي عليه لو مشي
يدخل مجالس إشي
لابس قميص شفتشي
من كلمة واحده يختشي..وينزل صويت وعياط
يا اهل العلام والادب
اقروا التاريخ اللي انكتب..فوق الطريق علامات
كليوباترا حكمت بلد
بالحيلة ويّا الجلد
من غير لا خد ولا هات
وكام من وزير كان قفا
جه في الطريق واختفى .. ولهف وراه ألوفات
قصر الكلام يتقال .. مين فيهم اللي يفيد
مش مسالة عضلات
وساعات كتير ستات بيكونوا رجالة
ورجال بطبع النسا
وطالعلهم شنبات

[/size]

دستور

‎ ‎
‎
دستور يا اخوانا يا بعدا‎
لأ سوري دستور م البعدا‎
‎
محبوس حابس يا سيادنا‎
و بكاكي من فوق مدنة‎
‎
و ورايا ديوك بيكاكو‎
حرصوا عالباقي معاكو‎
‎
بركة مولانا هولاكو‎
حلت و علينا اللعنة‎
‎
طرطور طرطر طراطير‎
بيغيروا فالدساتير‎
‎
و لا عاد في الحتة كبير‎
و يا وارث تورث مين‎
‎
ما الورث إتباع و إتبعنا‎
نرجع تاني لموضوعنا‎
‎
و بيان لديار الإفتا‎
من جمهورية زفتا‎
‎
لِعبو و عملوها إستفتا‎
صوت ياللي سامعنا‎
‎
و قوللي ملك ولا كتابة‎
أسد شبل ف الغابة‎
‎
و أحلف وحياة راس بابا‎
زفة فمولد كدابة‎
‎
و الله يجازي اللي خدعنا‎
للجوكر ألف تحية
‎
‎
ملعون خاش الحرية‎
يحيا قانون العبودية‎
‎
و القوانين الوضعية‎
و الحكومات الشمولية‎
‎
لها مني ألف تحية‎
وحِياة أمي دي رجعية‎
‎
و لو صوتنا و جَعجَعنا‎
واحد ولافيش غيره هوه‎
‎
قاعد متربع جوة‎
و بكيفك أو بالقوة‎
‎
لو سوبر مان و فتوة‎
روح قٌله بقى يودعنا‎
‎
عصابات شغل فتوات‎
و استعباط على حركات‎
‎
و السقا أبوه لو مات‎
حيقوم يسقي الشربات‎
‎
و يكمل على مواجعنا‎
مزيكة و تَرَابَاتَّتو‎
‎
و نفديك بالدم.. إفدوه‎
بس إحنا و رحمة أبوه‎
‎
مين ده اللي حَيلوي دراعنا‎
روح هاتلي لمون بالصودا‎
‎
انا حاسة بريحة شوطة‎
حيصعدوا فصل الروضة‎
‎
و الورث حيصبح موضة‎
لم الجدعان و اتبعنا‎
‎
على قهوة ساقية مكي‎
نصرخ نلطم و حنبكي‎
‎
ده ناويها و بيتكتكلي‎
قبل ما حتى يودعنا‎
‎
زقطَطُوا يا عيال قولوا هييه‎
الحكم صبح تيك أواي‎
‎
لو عايز قول أوكيه‎
و لو رافض قول أوكيه‎
‎
في كلا الحالتين نوو واي‏‎
غير كودية و زار ينفعنا‎
‎
لأنا عايزة بخور م الجاوي‎
و حمار أرمل و حصاوي‎
‎
و دراع برغوت مش غاوي‎
تنطيط عفريت و مخاوي‎
‎
شلة مقاطيع يقطعنا‎
حابس من شر الكرسي‎
‎
من شر عزيزة و مرسي‎
من قرص النمل الفارسي‎
‎
م الأحياء و الأموات‎
من كايرو إلى بغداد‎
‎
أشتات أشتوت أشتات‎
حرصوا من لعب السيكا‎
‎
م الحكشة و م البولوتيكا‎
و لا تشمت يومًا فيكا‎
‎
مارشيل بنت أم ماريكا‎
قول حاجة الله يهديكا‎
‎
و ادعي معايا يخليكا‎
حِلُّوا بقى عن أوجاعنا‎
‎
و انصرفوا عليكوا اللعنة‎
انصرفوا عليكوا اللعنة

لتنزيل الفيديوو
http://www.4shared.com/file/18380287/4d623e26/dostoor.html

البغبغاااا ان

الفيديو
https://www.youtube.com/watch?v=HO5C1mzuYvk&mode=related&search=

[

u]قصيدة مكرينا[/u]

https://www.youtube.com/watch?v=4hIIVbsOSvE&mode=related&search=

انتظرووووووووووووووووووووووا المزيد يارب يعجبكوااااااااااااااااااااااا

» برنامج (التــجـــربـة) (( متجدد بأستمرار ))
» قصائد عن الحب
» مسلسل الدالى الجزء الثانى :: (( متجدد بأستــمرار ))
» مسلســل في يـد امينــة 2008 لـ يســـرا(( متجدد باستمـرار ))
» ناصر بطولة مجدى كامل متجدد يوميا