يمكن كلنا فاكرين مدرسه بحر البقر واللى حصل فيها بس هنقل قصيده وبس نفسى اعرف شعور كل واحد فيكم كفتاه او شاب عربى
قصيده الدرس انتهى
ايه رأيك في البقع الحمـرا
يا ضمير العالم يا عزيزي
دى لطفـلة مصرية وسمرا
كانت من أشـطر تلاميذي
دمها راسمزهرة
راسم رايـة ثورة
راسم وجه مؤامرة
راسم خلق جباره
راسم نـار
راسم عار
ع الصهيونية والاستعمار
والدنيا اللى عليهم صابرة
وساكته على فعل الأباليس
الدرس انتـهى
لموا الكراريس
ايه رأى رجـال الفكر الحرفى الفكرادى المنقوشة بالدم
من طفل فقير مولود فى المر
لكن كان حلو ضحوك الفـم دم ا لطـفل الفـلاح
راسم شمس الصباح
راسم شـجرة تفاح
فى جناين الاصلاح
راسم تمساح بألف جناحفى دنيا مليانة بالأشبـاح
لكنـها قلـبها مرتــاح
وساكتة على فعل الأباليس الدرس انتـهى
لموا الكراريس
ايه رأيك يا شعب يا عربى
ايه رأيك يا شعب الأحـرار
دم الأطـفال جايلك يحـبى
يقول انتـقموا من الأشـرار
ويسيل ع الأوراق
يتهجى الأسـماء
ويطـالب الآبـاء
بالثـأر للأبـناء
ويرسم سيف
يهد الزيـف
ويلمع لمعة شمـس الصيف
في دنيا فيها النور بقى طيف
وساكتة على فعل الأباليـس
الدرس انتهى لموا الكراريس
يمكن ميتردش على الموضوع بس حبيت انقله ليكم لانى
حقيقى لما قريتها من جوايا تعبت مش طالبه غير رايكم او دعائكم