رباعيات صلاح جاهين فى تجدد مستمر هتابع

انا الذي عمري اشتياق في اشتيـــاق
و قطر داخل في محطة الــــــــ ـفراق
قصدت نبع السم وشربت ســـــــــ م
من كتر شوقي وعشمي في التريـــاق
عجبي !!!
انا الذي عشت الزمن مضيعــــــ ـــه
بروح حزينة معفنة مضعضعـــــ ـه
زرعتشجرة سنط لجل انجــــــر ح
لقتها شعر البنت و مفرعـــــــــــ ـه
عجبي !!

لو فيه سلام في الأرض وطمان و أمن
لو كان مفيش و لا فقر و لا خوف جبن
لو يملك الانسان مصير كل شـــــــــ ــئ
انا كنت اجيب للدنيا ميت ألف ابــــــــ ــن
عجبي !!

العشب طاطا للنسايم و نــــــــــــــ ـــــــخ
أخضر طري مالهش في الحســــــ ـن أخ
عصفور عبيط انا .. غاوي بهجه و غنا
ح انزلهنا.. و انشا لله يهبرني فــــــــخ
عجبي !!!

أوصيك يابني بالقمر و الزهـــــــــــ ــور
أوصيك بليل القاهرة المسحــــــــــ ـــور
و إن جيت في بالك .. إشتري عقد فل
لأي سمرا.. وقبري إوعك تـــــــــ زور
عجبي !!!!

غمض عينيك و ارقص بخفة و دلع
الدنيا هي الشابة و انت الــــــــ جدع
تشوف رشاقة خطوتك تعبـــــــ ـدك
لكن انت لو بصيت لرجليك ....تـقع
عجبي !!!

رباعيات صلاح جاهين فى تجدد مستمر هتابع - صفحة 2 T471

في يوم صحيت شاعر براحة وصفا
الهم زال والحزن راح واختفى
خدني العجب وسألت روحي سؤال
أنا مت؟ ولا وصلت للفلسفة
عجبي
*******
الفيلسوف قاعد يفكّر.. سيبوه
لا تعملوه سلطان ولا تصلبوه
ما تعرفوش إن الفلاسفه ياهوه
اللي يقولوه بيرجعوا يكدّبوه
عجبي
*******
كان فيه زمان سحليه طول فرسخين
كهفين عيونها وخشمها بربخين
ماتت لكين الرعب لم عمره مات
مع إنه فات بدل التاريخ تاريخين
عجبي
*******
عجبتني كلمة من كلام الورق
النور شرق من بين حروفها وبرق
حبيت أشيلها ف قلبي.. قالت حرام
ده أنا كل قلب دخلت فيه اتحرق
عجبي
*******
على بعد مليون ميل من أرضنا
من الفراغ الكوني بصيت أنا
لا شفت فرق بين جبال وبحور
ولا شفت فرق مابين عذاب أو هنا
عجبي
*******
إنسان.. أيا إنسان ما أجهلك
ما أتفهك في الكون وما أضألك
شمس وقمر وسدوم وملايين نجوم
و فاكرها ياموهوم مخلوقه لك
عجبي
*******
نظرت فوق للنجوم وانا ساير
رجليا عترت في الحفر والحجاير
بقيت أقول وانا ع التراب: ياسلام
مش بس عبره أخذت لكن عباير
عجبي
*******
يا نجم.. نورك ليه كده بيرتجف؟
هو انت قنديل زيت؟ أو تختلف
أنا نجم عالي.. بس عالي قوي
و كل ما انظر تحت اخاف انحدف
عجبي
*******
السم لو كان في الدوا منين يضر؟
و الموت لو عدونا.. منين يسرّ؟
حط القلم في الحبر واكتب كمان
والعبد للشهوات.. منين هو حرّ؟
عجبي
*******
وقفت بين شطين على قنطرة
الكدب فين والصدق فين ياترى
محتار ح اموت.. الحوت خرج لي وقالي
هو الكلام يتقاس بالمسطرة
عجبي
*******

أيوب رماه البين بكل العلل
سبع سنين مرضان وعنده شلل
الصبر طيب.. صبر أيوب شفاه
بس الأكاده مات بفعل الملل
عجبي
*******
سرداب في مستشفى الولادة طويل
صرخات عذاب ورا كل باب وعويل
وفي الطريق متزوّقين البنات
متزوّقين للحب والمواويل
عجبي
*******
الدنيا أوضه كبيرة للانتظار
فيها ابن آدم زيّه زي الحمار
الهمّ واحد.. والملل مشترك
ومفيش حمار بيحاول الانتحار
عجبي
*******
نسمة ربيع لكن بتكوي الوشوش
طيور جميلة بس من غير عشوش
قلوب بتخفق إنما وحدها
هي الحياة كده.. كلها في الفاشوش
عجبي
*******
يا طير ياعالي في السما طظ فيك
ما تفتكرشي ربنا مصطفيك
برضك بتاكل دود وللطين تعود
تمص فيه يا حلو.. ويمص فيك
عجبي
*******
كروان جريح مضروب شعاع م القمر
سقط من السموات فؤاده انكسر
جريت عليه قطة علشان تبلعه
أتاريه خيال شعراء ومالهوش أثر
عجبي
*******
ما حد في الدنيا واخد جزاته
ولا حد بيفكر في غير لذاذاته
ما تعرفيش يا حبيبتي.. أنا وانتي مين؟
إنتي عروس النيل.. وأنا النيل بذاته
عجبي
*******
رقاصه خرسا ورقصة من غير نغم
دنيا.. يامين يصالحها قبل الندم
ساعتين تهز بوجهها يعني
يترجرجوا نهديها يعني نعم
عجبي
*******
إخطفني ياللي تحبني ع الحصان
الدنيا قالت يوم في ماضي الزمان
إخطفني ياللي تحبني ع الفرس
الدنيا قالت.. قام خطفها الشيطان
عجبي
*******
ياللي نصحت الناس بشرب النبيت
مع بنت حلوة.. وعود, وضحك, وحديت
مش كنت تنصحهم منين يكسبوا
تمن ده كله؟.. ولاّ يمكن نسيت
عجبي
*******

وبكده اكون نقلت الرباعيات وطبعا فى غيرها كتير وان شاء الله جارى البحث عنها
ومع صوره الكينج عمنا صلاح شاهين رحمه الله

ويارب اكون عند حسن ظنكم
نورررررررررررر

رباعيات صلاح جاهين فى تجدد مستمر هتابع - صفحة 2 487633226

.. جئت لأكتب لك فلم أجد قلما .. فبريت عظمة من عظام صدري فلم أجد حبرا .. فغمستها بدماء قلبي فلم أجد كلمات
فكتبت كلمة واحده تسد عن كل الكلمات اكملى يا عسل

رباعيات صلاح جاهين فى تجدد مستمر هتابع - صفحة 2 18741313

ميرسى اوى ليكى نور على المجهود الرائع ده موضوعك فريد اوى من نوعه
ميرسى خالص ليكى

ميرسى حماده على مرورك
الحمد لله انه نال العجاب

واللهى الواحد زعلان لعدم وجودك هيروووووووووووووووووو يلا ربنا يهدى النفوس وترجع تانى تدخل المنتدى

» رباعيات فى الحب