امثال مصريه اوعى وشك

1-جايب لي زعيط ومعيط ونطاط الحيط
2-ارميه البحر يطلع وفي فمه سمكه
3-ماتت الحمارة وانقطعت الزيارة
4-ابوك البصل وامك التوم منين لك الريحة الطيبة يا مشؤم
5-ام البت مسنوده بخيط وام الواد مسندوه بحيط
6-كل دين واشرب دين وان جالك صاحب الدين ادى له قلمين
7-على رئ المثل اللى يقول شى تسير الحمير
8-عامل زي القرع يمد لبره
9- مع السلامه يا عله واكسر وراها قله
10-دا اللي حصل واللي جري لا ينكتب ولا يتقرا
11-قصقصي ريش طيرك لحسن يلوف علي غيرك
12-اه يادهوتي يا خرابي والهم علي بابي
13-سوق النضافه جبر واتغندرو النتنين
14-مين حف في غموسه كل عيشه حاف
15-الرجاله عامله زي نهار الشتا ملهمش امان
16-يامامن للحريم يامامن للمعزه وسط البرسيم
17-مايقعد عالمداود غير شر البقر
18-مين عاشر التعابين بقي حاوي
19-يموت الزمار وصوابعه بتلعب
20-ان جالك القرد راقص.... طبل له.
21-اللي تعرف ديته... اقتله
22-يافاحت البير ومغطيه مسيرك في يوم تقع فيه
23-كل فوله وليها كيال وكل برغوت وعلي اد دمه
24-السر بين اتنين درج وبين تلاته فتح الباب وخرج
25-خف وبابوج في رجلين عوج
26-طوبه علي طوبه خلي العركه منصوبه
27-جوزتها تستاخر راحت وجابته راخر
28-خيه علي خيه زي العسل مفيهوش ميه
29-ان لبسو الرديه هما العزنبيه وان لبسو المخالي هما العوالي
30-من عاشر الزبداني فاحت عليه روايحه
31-قاعده الخزانه ولا جوازه الندامه
32-كيد العوالم مفيش قده دا لو مال علي حيط كان هده
33-قال بره وجوه فرشتلك وانت مايل ولا حاجه تعدلك
34-الراجل بمخلاته ميغلبش مراته
35-حمارك الاعرج ولا سؤال اللئيم
36-بيت النتاش عمره مايعلاش
37-ياداخل بين البصله وقشرتها ماينوبك الا دمعتها
38-علي سن المسمار واحده بغل وواحده بنار
39- ادي البخوت لمكركتين الراس وذوات شعر خيلي بختهم موكوس
40-يعملوها الفيران ويقعو فبها التيران
41-اصطلح الفار ويا العرسه بعد الفضيحه والجرسه
42-ابويه قالي يالوزه حطي الحجره علي الجوزه وكل كلمه وليها عوزه
43-الكمون يشعلل نار غيره المجنون
44-قال جبناكي ياحكومه تحمينا حميتي النار وكويتينا
45-زواج ميمون يوم تخرجك يامجنون
46-اكل ومرعي وقله صنعه
47-بكره نقعد جنب الحيطه ونسمع الزيطه
48-يما تحت السواهي دواهي
49-اللي مش لاقي حاجه تشغله يفتح الباب ويقفله
50-حبيبك اللي تحبه وليك العشم فيه كتر عليه بالاسيه يظهرلك كل مافيه

بس بقى كده كفايه اوى

امثله جميله
شكرا ليكى
نـــــــــــور

رميت همى ورا ظهرى وقلت اروح اتفسح جرى ورايه همى وقالى
هو انا مكسح

-الرجاله عامله زي نهار الشتا ملهمش امان
-حبيبك اللي تحبه وليك العشم فيه كتر عليه بالاسيه يظهرلك كل مافيه

ميرسي يا نور يا قمر كتير مووووووووووووووووووووووووووووووووووووووووووووووووووت :
123
:

49-اللي مش لاقي حاجه تشغله يفتح الباب ويقفله

هههههههههههههههههههههه

بعملها كتير بس فى باب التلاجه lol!

امثال مسخره

ههههههههههههههههههههههههههههههه

ميرسى يانور

ع المواضيع الجامده

هههههههههههههههههههه
ايه الأمثال الجامده دى
تسلم أيدك يا نور

هههههههههههههههههههههههههههه
حلوه كتيييييييييييييييير
ميرسى يا جميل