لا نملك غير الدعاء ومش هنحارب

لا نملك لغزة سوي الدعاء (عايزين من مصر ايه ؟ تدخل حرب علشان منبقاش خونة ؟

--------------------------------------------------------------------------------

أكتر بلد وقفة في قضية فلسطين هيا مصر لا وطالعة واحدة فلسطينية بتتريق وتقول مصر بتبعتلنا شاي العروسة والعرب مطلعينا خونة علشان أيه عايزين مصر تدخل حرب ويتفرجوا هما علينا ويقولوا حسبي الله ونعم الوكيل حاربنا قبل كده ومكنش فيه بيت فيكي يامصر الا وفيه شهيد واتنين وتلاته مصر تعبت من الاحتلال ومصدقنا هنرتاح شويه من الحروب ومن شباب البلد اخويا وابويا وجوزي اللي بيورحوا في الحرب
الدول العربية عايزة ايه من مصر ؟
هو يانحارب ونبيع شبابنا يانبقي خونة

مساء الخير
بقالنا سنين فى القضية الفلسطينية وشوفنا المشهد اللى بيحصل دة 1000 مرة وربنا مع اخوانا الفلسطنيين الابرياء اللى بيستشهدو كل يوم .. ما علينا انا فية نقطة مجننانى .. مصر بقت دولة وحشة فى يوم وليلة وخونة ومعندناش رحمة .. انا مش عارف الدول العربية عايزة اية من مصر .. انا كرهى كل يوم بيزيد لكل العرب *****.. ودمى اتحرق اكتر من بعد الظابط اللى قتلوة فى رفح .. مش من باب اول كانو يوفرو الطلقة اللى ضربو بيها الضابط دة ويقتلو واحد اسرائيلى ولا هما علشان متعودين يقتلو فى بعض يبقى عادى لما يقتلو واحد من مصر بيأدى واجبة وشغلة وملهوش دعوة لا برئيس ولا بفلسطين ولا بيهود ذنبو اية اللى مات ..

انا مش فاهم هما عايزيين مننا اية ودلوقتى مش عايزيين يدخلو المصابين لمستشفيات مصر يعنى لا منك ولا من كفاية شرك .. عايزين يدخلونا حرب وخلاص عايزين يشفوها بتولع .. انا اشك واللة وبكل يقين ان كل دة معمول بعلم قادة فلسطين لاستفزاز مصر للدخول فى حرب مع اسرائيل بدون اى اسباب ونقع فى فخ كسر معاهدة كامب ديفد .. لا اسرائيل تقدر تضرب صاروخ واحد على مصر ولا مصر تقدر تضرب صاروخ واحد على اسرائيل
ودة بند من شروط الاتفاقية

إنهاء حالة الحرب وإقامة علاقات ودية بين مصر و إسرائيل و إنسحاب إسرائيل من سيناء التي احتلتها عام 1967 بعد حرب الأيام الستة

اللى يكسر البند دة يعنى هو اللى ابتدى وعايز يحارب وساعتها مصر مش هتترحم من اى دولة فى العالم وهنبقى بجد بهايم ومش فاهمين حاجة .. انما لولا الرئيس محمد حسنى مبارك واللى الكل بيشتم فية موجود كان مصر دلوقتى فى ابو بلاش ورغم كل الهجوم على الحكومة المصرية والنقد واللى انا متفق معاة الا انى بستثنى الراجل من اى تهمة توجهلة .. دة محافظ علينا بكل الطرق واكتر حاجة مهتم بيها فعلا هى الجيش علشان اى حالة حرب لقدر اللة

حسن نصر اللة طالع من شوية ويقوللك بدعو مللايين المصريين للتظاهر علشان مصر تفتح معبر رفح .. قناة العربية تقوللك دول ضربو حدود مصر ومصر مابدتش اى رد فعل ايجابى تجاة الضربة .. بعض المصريين سخنو وبدا يعملو مظاهرات واللة يخربيتك يا حسنى اللة ينتقم منك ..انت مش بتحارب لية ؟ انت مش بتفتح المعبر للفلسطنيين لية ..

فتحوة قبل كدة ومسكو شاحنة ومعنى شاحنة انها بتبقى شايلة حمل يقدر بالاطنان بة مواد متفجرة .. الفلسطنيين على مر التاريخ منهم خونة وبيحاولو يتسللو مصر لعمل اى حادث ارهابى ..

هتفرح يا مصرى لما تبقى ماشى فى خان الخليلى ويحصل عملية تفجيرية ؟ هتفرح يا شاب لما اخوك اللى راح شرم بيشتغل هناك علشان يقبض 1000 جنية فى الشهر يموت فى حادث ارهابى ..

المصريين بيعملو مظاهرات وابتدى الكلام عن الحرب .. دة احنا الشباب اول ناس بتدعى ربنا اننا نخرج من الجيش ونخلص كلية ونسافر السعودية ..طب دلوقتى طلبو مجاهدين فى فلسطين هتروح تحارب ؟ قالولك خد سلاح اهو وروح حارب ياللة مع اشقائك الفلسطنيين هتروح ..
والله ما هيحصل وهتكون اول واحد عامل مش سامع
نعترف كمصريين اننا مبنتحركش الا لما بنتأذى .. مبنتحركش الا فى اخر ربع ساعة

اتمنى اننا نفكر بهدوء تانى ومن سنة 2000 وغزة بتنضرب والحل مش عندنا احنا الحل فى ايديهم هما بس هما مش عايزيين يفهمو كدة

ميرسي اوى للموضوع المهم ده
الرومــــهندـــــــــــــانسية

اكيد طبعا انا بجد فخور باللى بتعمله مصر المسأله مش مجرد عواطف فيه حاجه اسمها عقل وبجد مصر بكده بتكون اكثر الدول نضوجا سياسى

ميرسى اوى ليكى نور على الموضوع الهام جدا ده

لازم كل العرب يتحدوا علشان نخلص من المذلة دى مصر عمرها مهتنفع لوحدها ابدا دا الا لو ربنا عاوزها تخلص العرب كلهم من المذلة دى لوحدها وفعلا مصر دى بلد جميلة اوى ومفيش زيها غير جنودها خير جنود الارض زى مربنا قال ونعم بالله ربنا مع اخوانا الفلسطينين وباقى البلاد المحتلة جميعا منهم لله اسرائيل والامركان وغيرهم من المحتلين اى الى بيفكروا فى الاحتلال منهم لله
الرومــــــــهندـــــــــــــانسية

ربنا يبعد عنا ويحفظنا

البلد مش ناقصه حرب كفايه الى فيها

ميرسى يانور موضوع بجد مهم

فعلا لا نملك لهم الا الدعاء

اللهم يا رب العرش .. يا سميع الدعاء .. يا مجيب المضطر .. انصر اخواننا في غزه ..
بقدرتك وحكمتك .. وارحم شهادائك وارزقهم الفردوس الأعلى في الجنه .. انك سميع مجيب .

ميرسي ليكي يانور يا قمر

علي الموضوع

بس والله الي الواحد بيشوفه كل يوم بيصعب علي الواحد

بس مينفعش نفتح المعبر علشان احنا لو عملنا كده هنسيب الارض للاسرائلين

يبقا خدوها من غير مقاومه ولا اي حاجه

وانشاء الله هينصر الفلسطنين باذن الله

يارب انصر اخواننا الفلسطنين في غزه

وشتت شمل اليهود في كل مكان

امين يا رب العالمين

ميرسي ليكي

سيسووووووووووووووووووووووووووووووووووووووووو

اللهم هز اسرائيل
اللهم اجعل امالهم نار واجعل اسلحتهم نار واجعل قلبوبهم فتات
اللهم اخفهم من وجود الدنيا
اللهم اجعل الرصاص ماء واجعل المدافع منافع لاهل غزة
اللهم انصرنا وثبتنا
اللهم انصرنا
اللهم ارجع بلادنا لنا
اللهم امددهم من ملائكتك عدد اياتك وعدد معجزاتك
اللهم انصرهم
اللهم انصرهم
اللهم افتح على اهل غزة ابواب منافعك
اللهم امت الاسرائليين بمدافعهم
اللهم اجعل كل صاروخ يطلقوهه ان ينقلب عليهم
اللهم اشدد ازر الفلسطينين
اللهم ادخلهم جناتك من اوسع ابوباك

اتمنى ان كل واحد يقرأ سورة الفتح
ويصلي ركعتين صلاة حاجه
الرومــــــــهندـــــــــــانسية ميرسي نور

ميرسى لمروركم ورايكم

» اقروا هذا الدعاء....
» اقرأ الدعاء بعد الصلاة .........
» حاول ان تقراء الدعاء ولو مره واحده